الطــــــــــــــلاق

كان زمان أول ما تحدث مشكلة بين اى زوجين ويتدخل الأهل يقال للبنت أرجعى بيت زوجك معندناش طلاق وأهل الزوج يقولوا لابنهم روح صالح مرانك عيب كده
لكن تعالوا دلوقتى شوفوا اللي بيحصل الأهل اطلقى منه ولا يهمك وهو طلقها البنات كتبر ويخرب البيت ويضيع الأبناء مفيش مشكلة كله معدي والحياة ماشية صح غلط مش مهم كل واحد يشوف مصلحته
إليكم بعض ما يحدث
شاب تزوج وهو مؤهل عالي من آنسة دبلوم وسافروا للخارج وأنجبوا وبعد أربع سنوات زواج يريد الزوج أن يتزوج غيرها فهو تعب منها ومن مشاكلها هي لا تريد أن تكمل تعليمها وهذا ما يضايقه بعد الزواج فرق التعليم والثقافة ومن جانبه بعد انتهاء العمل الخطوة الثانية هي النت والشات وليس البيت والزوجة طبعا بيهرب من حل مشاكله
وآخرين خطوبة أربع سنوات ويوجد أيضا فرق تعليم هي دبلوم وهو بدون مؤهل بعد الزواج ومع نهاية الشهر الأول بدأت المشاكل ربنا يستر ويقضوا حياتهم على خير
أما بالنسبة لهؤلاء كـتبوا الكتاب وبعدها طلاق مرتين ثم الزواج وبعد ثلاث شهور الطلقة الثالثة المفروض انه بين الزوجين علاقة حب ومع ذلك تم الطلاق رغم أن الزوجة حامل بصراحة مش عارفة ازاى تم الزواج أصلا كل واحد أدى ودانه لأهله ودي النتيجة
مش عارفة أقول إيه هي دى الحياة نسبة الطلاق في تزايد مستمر لا اعرف لما يحدث ذلك الشاب يتعب لإيجاد وظيفة ولإيجاد شقة ولنفقات الزواج وأهل البنت يتعبوا في تحمل تكاليف زواجها وبعد كل ده النهاية هي الطلاق لماذا التعب من الأول
زمان كنا بنقول اللي يجى سهل يروح سهل واللي يجى صعب له طعم خاص أما الآن كله بيروح سهل
فين الأمن والأمان لحياتنا المقبلة وسط كل ما يحدث لا اعرف كلى إحباط مما أرى واسمع أكيد في حل إيه هو مش عارفة يمكن لو الكل فكر بتأني شواية أتمنى ربنا يستر علينا من اللي جاى

اعتذر عن هذا الموضوع الكئيب وعن الإطالة