انـا واعدادى

موضوع: انـا واعدادى السبت سبتمبر 24, 2011 1:38 pm

اذيك يا بشمهندس الف مبروك النجاح فى الثانوية والتحاقك بكلية الهندسة

من حقك ان تفتخر بما وصلت اليه وبما اكرمك الله به

بس اكيد ربنا اعطاك دا بعد تعب انتا عشته فقل الحمد لله على كل شئ

فى حقيقة مسلم بيها وهى ان الى بيدخل كلية الهندسة نوعان :

النوع الاول : هو واحد كان حلم حياته ان يدخل هندسة ودايما ً كان شايف نفسه فيها

فنقله الف مبروك ان ربنا وفقك وحصلت على حلمك وان شاء الله هتكون مهندس ناجح

النوع الثانى : هو واحد داخل الكلية عشان سبب معين يعنى قد يكون السبب دا مثلا

التنسيق بمعنى انه كان بيتمنى اى كلية تانى بس لم يوفق على ان يحصل على موجوع الكليه التى ارادها

او السبب بيكون ان الشخص دا مكنش ليه حلم معين ودخل هندسة عشان عرف ان ليها مستقبل كويس

او يكون السبب رغبة اهله او اى سبب تانى

النوع الثانى دا نقول له احمد الله كثيراً بإن جعل لك الهندسة قدرا ً لانه هو الى اختارك او يسر لك الاختيار

وهو اكيد العالم بكل شئ

ــــــــــــــــــــــــــــــــــــــــــــــــــــــــــــ

اعدادى

لما دخلت اعدادى هندسة " اول سنة فى الكلية " فى حاجات كتير كانت جويا اسئلة وعاوزة اجابات

فى الحقيقة فى احساس غريب سوف تشعر بهِ بتحث مثلا ان خلاص عاديت مرحلة المذاكرة والسهر وداخل

الكلية للراحة على حسب الكلام الى كان بيقال وهو ان المذاكرة فى الثانوية بس

الى جانب احساس كدا بتشعر بهِ لما حد يقولك " يا بشمهندس "

وهو " التكبر مثلا " يعنى بتحس انك خلاص زى ما بيقولوا " عديت "

نصحتى لك لاتجعل الاحساسين دول يسطروا عليك لان لسه بجد مش وقتهم

الاول مثلاً كلام ان المذاكرة دى انتهت كلام خطأ لازم تذاكر ويمكن توصل الى وقت اكثر من مذاكرة الثانوية

لانى والله اعرف ناس رغم انهم كانوا بيذاكروا " على حسب كلامهم " واستنفدت

يعنى ايه استنفد ؟؟؟

الى استنفد دا بيكون لم يتمكن من النجاح فى اعدادى لمدة سنتين او بالمعنى المعروف

" انه سقط سنتين فى اعدادى "

انا عاوزك تتخيل الاحساس دا وهو رايح يجيب ملفه من كليه الهندسة وهيدخل كليه تانية

وكل احلامه ب .......... انا مش هكمل لانه ممها قولنا مش هنعرف نصل الى الاحساس دا

ويارب محدش يحسه تانى

بس لازم تخلى بالك من الموضوع دا

اما الاحساس الثانى " معنى البشمهندس " فبجد مش وقته خالص تذكر ان لسه قدامك خمس سنوات

عشان حتى المفروض تشعر بيه بس مش تكبر اكيد

ــــــــــــــــــــــــــــــــــــــــ

لو اتكلمنا عن السنه بقى كتعليم فهى نوعاً ما سهله

1_ يعنى على حد علمى فمذاكرة ساعتين يومياً تضمن للك النجاح بجيد ولكن احنا مش عاوزين كدا

احنا عاوزين نبص لاكتر من كدا عشان لانندم على ما فات

2_ اهم حاجه انك تحضر كل المحاضرات وتحاول ان تذاكرها يوم بيوم "يعنى فى نفس البوم الى اخدتها فيه"

حاول انك متخليش حاجه عليك

3_ الاصدقاء عامل مهم جداً فى النجاح فإحرص على اختيار الامثل عشان يسعاعدك على المذاكرة

ويعاتبك على التقصير

4_ لاتنسى اصدقاء المرح فإنهما من يعطوا للحياة معنى ولكن فى حدود الفراغ وعدم التقصير

5_ لا تتدخ فى حوار خارجى مع الدكتور او المعيد قد يؤثر عليك نفسياً او يضرك

6_ امممم قبل الامتحان حاول تجيب نماذج امتحانات لأعوام سابقة والله بتفيد جداُ

فى الامتحان وبتعطيك فكرة عامه عن شكل وكيفية الامتحان وكمان فى اسئلة كتير بتكرر

7_ فى الامتحان على الاقل حاول تقراء السؤال مرتين على الاقل وحاول تركز وتجاوب فى نفسك

قبل الاجابة على الورقة

ان شاء الله هتكون سنة سعيدة انا متاكد انك هتستفيد منها مثلنا ليس الجانب العلمى فقط

ولكن هتتعلم انك تعتمد على نفسك وازاى تختار الاصدقاء وكمان ردة فعلك فى مواقف كثير هتتعرض ليها

فى الختام اهم نصيحة لازم تخلى بالك منها هى ان تتقى الله وتجعله دائما معك

بان تؤدى كل فرائضة وتجتنب نواهيه فهو المعين الوحيد لك فان كان الله معك

فلن تخسر اذا ابداا

ــــــــــــــــــــــــــــــــــــــــــــــــــــــــــــــــــــــ
اتمنا انى اكون قد افدتكم

نسالكم الدعاء

كتبه لكم / عبدالناصر احمد عبدالعال

طالب بهندسة الازهر بقنا

كنت فى اعدادى هندسة دفعة2009 _ 2010 م

وقد حصلت الحمد لله على تقدير جيد جداً

إذا طـعـنـك شـخـص بـخـنـاجـر لـسـانـه فـ لاتـطـعـنـه بـنـفـس الـخـنـجـر مــا دام بــإمــكــانــك قــتــلــه بــسـيــف ابـتــسـامـتــك

انـا واعدادى